Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ dekewena serra diyîne. Na çarçewe de 13yê teşrîna peyêne de, Amed de do mîtîngêko pîl bêro kerdene.

Hemserekê DEM Partî yê Amedî Abbas Şahînî derheqê ‘Mîtîngê Azadîye’ de ANFyî rê qisey kerd.

Şahînî da zanayene ke tecrîdê vera Serekê PKKyî Abdullah Ocalanî çar serrî yo giranêr bîyo û no tesîrê rewşa welatî bi xirabî keno. Şahînî vat: ”Ma hertim vat; Birêz Ocalan temînatê haştîye yo. Ganî ma tecrîdî ney la azadîya Birêz Ocalanî nîqaş bikerê. Coka ma do 13yê teşrîna verêne de Amed de, Meydanê Îstasyonî de do mîtîngêkê pîlî bikerê. Ma ci rê vanê ‘Mîtîngê Azadîye.’ Ma do bi şîarê ‘Bê azadîye haştîye nêbena’ uca de bibê.
Rojhelato Mîyanên mîyanê krîzan de yo. Paradîgmaya Birêz Ocalanî vera nê krîzan çareserîyêk a. Coka ma girîngîye danê nê mîtîngî. Birêz Ocalan 25 serran ra nata tecrîdkerde yo û bi nê hawayî haştîye yena astengkerdene. La azadîya Birêz Ocalanî yena manaya azadîya şaranê Rojhelatê Mîyanênî, Tirkîya û şarê kurdî.
Ma pêro şarê xo dawetê nê mîtîngî kenê. Ma nê mîtîngî bivurnê mîtîngê azadîye. Seba azadîya şaranê Tirkîya û Rojhelatê Mîyanênî ganî tecrîd bêro şiknayene. Ganî Birêz Ocalan azad bibo. Coka wa her kes 13yê teşrîna verêne de Amed de bibo.”