Partiya Wekhevî û Demokrasiyê ya Gelan (DEM Partî), bertek nîşanî operasyona li dijî Şaredariya Bajarê Mezin a Îzmîrê da. Di daxuyaniya DEM Partiyê de wiha hat gotin: “Em operasyona li dijî Şaredarê Îzmîrê yê berê Tûnç Soyar, xebatkarên şaredariyê û siyasetmedaran şermezar dikin. Em partiyek in ku her tim bi operasyonan re rûbirû mane, em baş dizanin ku ev operasyon ne hiqûqî ne.

Em dubare destnîşan dikin; em piştgiriyê didin siyaseteke paqij û hişmendiya rêveberiya herêmî, lêbelê em li dijî hemû zextên li ser muxalefetê ne. Em bangî desthilatê dikin ku dev ji operasyonên darazê û kiryarên der hiqûqî berde.”