Hemserekanê DEM Partî yê Amedî Gulşen Ozere û û Abbas Şahînî bi wesîleya 1ê Êlule Roja Aştîye ya Dinya eşkerayîye daye. Parlamenterî Adalet Kaya û Sevîlay Çelenke zî tewrê ci bîyî.

Mîtîngê Amedî do Meydanê Şêx Seîdî de bêro kerdene. Verê ci zî do verê AZC Plaza ra ver bi meydanî rayraşîyayîş bêro kerdene.

Abbas Şahînî vat: “No welat hewceyê aştîye yo. Polîtîkayê şerî yê îqtîdarî her roje rewşe xirabêr kenê. Tecrîd tesîrê her kesî keno. Ma tecrîdî red kenê. Semedê aştîye û çareserkerdişê meseleya kurdan ganî tecrîd bêro şiknayene. Nê semedî ra ma veng danê ke wa her kes siba tewrê rayraşîyayîşê ma bibo.”

Adalet Kaya zî vist vîrî ke Tirkîya çend şino şerî de zafêr pere xerc kena û vat: “21ê êlule firsetêk o ke ma vengê aştîye biresnê her hetê komelî. Aktoro verên ê aştîye Abdullah Ocalan o. Ganî tecrîd bêro şiknayene û semedê çareserkerdişê meseleya kurdan ganî bêrê eştene. Ma gama verêne 1ê êlule de bierzê. Ma siba vejîyê waran û pêro pîya waştişê xo yê aştîye bîyarê ziwan.”