Delegasyonê Vera Tecrîdî yê Mîyanneteweyî Stenbol de partîyanê sîyasîyan reyde tayê pêvînayîşan keno.
Endamanê Delegasyonî verî ESP zîyaret kerd. Hemsereka ESPyî Ozlem Gumuştaşe û Endamanê Meclîsê Partîye Ezgî Gurbuz û Meral Tatare Delegasyonê Vera Tecrîdî pêşwazî kerd. Pêvînayîş de tecrîdê Îmraliyî, binpaykerdişê heqanê tepişteyan, prosesê sîyasî û dewaya qefilnayîşê HDPyî bîyî rojdem.
Endamê Delegasyonî Stenbol de Partîya Keskan û Ameyoxê Çepî, Platformê Paştdayîşî yê Sosyalîstî (SODAP), Partîya Kede (EMEP) û Partîya Şorişgêre de do pêvînayîşî bikerê.
