Tîmên Şîrketa Belavkariya Ceyranê ya Dîcleyê, di saetên serê sibê de bi wesayîtên zirxî yên leşkerî re bi ser bajaroka Ewîna ya navçeya Stewr a Mêrdînê de girtin. Tîmên ku bi sedan leşkeran re çûn bajarok, xwestin ku saetên ceyranê veguhêzin derveyî xaniyan lê welatiyan ji bo ketina tîmên DEDAŞ’ê û cendermeyan asteng bikin rê girtin. Li ser vê yekê di navbera şêniyên bajarok û leşkeran de nîqaş derket. Dû re cendermeyan bi gaza îsotê û ava şid a TOMA’yan êrişî welatiyan kirin.
Di dema êrişê de gelek welatî ji gazê bi bandor bûn û piştî welatiyan bersiv da li bajarok gengeşî çêbû. Bendemayîna cenderme û tîmên DEDAŞ’ê ya li bajarokî berdewam dike û bertekên şêniyên bajarokî jî didomin. Heta dema amadekirina vê nûçeyê gengeşiya li bajarok berdewam bû.
