Ji 1ê Îlonê Roja Aştiyê ya Cîhanê re 2 roj man. Amadekariyên çalakiyên 1ê Îlonê didomin. Bernameya çalakiyên bajaran diyar dibin. Platforma Ked û Demokrasiyê ya Êlihê dê bi dirûşma “Niha dema qêrîna aştiyê ye” rêzeçalakî bên lidarxistin. Platforma Ked û Demokrasiyê dê ji Xaçerêya Basinê heta Parka Yilmaz Guney meşeke girseyî li dar bixe û piştre li vir “Kursiya Aştiyê” deyne. Meş dê saet di 18.30an de bê destpêkirin.

Hevberdevka Platforma Ked û Demokrasiyê ya Êlihê Narîn Erol, anî ziman ku bi salan e bi hêviya civakeke azad û aştiyê 1ê Îlonê pêşwazî dikin. bal kişand ser atmosfera ku “Banga Aştiyê û Civaka Demokratîk” a Rêberê Gelê Kurd Abdullah Ocalan çêkiriye.

Narîn Erol, anî ziman ku piştî meşê dê “Kursiya Aştiyê” deynin û li gel guhdar bikin û wiha dawî li axaftina xwe anî: “Hemû kesên ku peyva aştiyê bi lêv dikin dibin hedefe vê pergalê. Niha dema qêrîna aştiyê ye. Divê em bînin ziman ku pêdiviya ciwanan, jinan, cotkaran, karkeran, hejaran çiqas bi aştiyê heye û bi mîsogerkirina aştiyê ve wê çi bi dest bixin.”