Li gor rojnameyek Brîtanyayê wê Brîtanya di gulana 2021’an de ji bo piştgiriya Ukraynayê keştiyek bişîne Derya Reş. Çavkaniyên leşkerî ji rojnameya The Sunday Times a Brîtanyayê re ragihandin ku wê Brîtanya ji bo piştgiriya Ukrayrayê keştiyek şer bişîne Derya Reş.
Hêjayî gotinê ye hêzên Rûsyayê li ser sînor hatine belavkirin û li rojhilatê Ukraynayê di navbera artêşê û serhildêrên alîgirên Rûsyayê de, şer derketibû. Li gorî rojnameyê hikûmeta Brîtanyayê ji nêz ve bi Ukraynayê re kar dike da ku çavdêriya rewşê bike. Her wiha bi awayekî domdar bang li Rûsyayê dike ku rageşiyê bi dawî bike. Duh jî Rûsyayê 15 keştiyên şer ji bo tedbîqatê şandibûn Deryaya Reş.
