Di çarçoveya kampanya “Ji Abdullah Ocalan re azadî, ji pirsgirêka kurd re çareseriya siyasî” ku di 10’ê Cotmeha 2023’an de bi daxwaza azadiya fîzîkî ya Rêberê PKK’ê Abdullah Ocalan ê li Girava Îmraliyê di bin tecrîda girankirî de tê ragirtin hatiye destpêkirin di 27’ê Mijdarê de girtiyên siyasî ji bo piştgiriyê bidin kampanyayê dest bi greva birçîbûnê kirin. Xizmên girtiyan jî di vê çarçoveyê de li Amed, Wan, Stenbol, Mêrsîn, Edenê û Îzmîr bi dirûşma “Ji bo edaletê em tecrîdê bişkînin ji bo aştiyê em bibin dengê zindanan” dest bi Nobeda Edealetê kirin.
Çalakiya Nobeda Edaletê ya ku li avahiya Partiya Wekhevî û Demokrasiyê (DEM Partî) a navçeya Rezana Amedê hatî destpêkirin di roja 31’ emîn de didome. Di çalakiya ku bi serdanan didome de çalakvan biryarbûna xwe ya domandina berxwedanê bi dirûşma “Slav slav ji îmraliyê re hezar slav”, “Bijî berxwedana zîndanan”, Bi can bi xwîn, em bi te re ne ey Serok” tînin ziman.
Ji dayîkên Nobeda Edaletê ya Mersînê, Emîne Eren di serdanê de li ser navê dayikan axivî û wiha got: “Nobeda we pîroz dikin. Li ser navê dayikên Mersînê dibêjin ku em vê trcrîda li ser serok şermezar dikin. Daxwaza me azadiya girtiyên zîndanan e. Nêzî 40 rojî ye zarokên me di greva birçîbûnê de ne. Em jî li Mersînê di Nobeda Edaletê de ne. Heta daxwaza me û zarokên me pêk neyê em ê çalakiya xwe bidomînin. Em vê tecrîda li ser serokê me nalet û şermezar dikin. Heta serokê me azad nebe em ê berxwedanê bidomîn. Têkoşîna we ya me ye”.
Ji bo piştgiriyê Dayikên Nobeda Edaletê yên Mêrsînê, endam û rêvebirên Dem Partiyê yên navçeya Yenîşehîrê, Komeleya Jinan a Rosayê, Partiya Çepên Bindest (ESP), rêveber û nûnerên Dayîkên Aştiyê, rêxistinên civakî û gelek welatî serdana çalakgeran dikin. Di çalakiya ‘Nobeda Edaletê’de stranên şoreşgerî tên gotin. Çalakî bi çepik û lîlandinan didome.
