Hêzên PDK’ê yên ku cenazeyên gerîlayên HPG’ê desteser kiribûn, Ev 99 roj in ku cenazeyan nadin malbatên wan. Malbatên ku dixwazin ji Kantona Cizîrê ya Bakur û Rojhilatê Sûriyeyê ji Deriyê Sînor ê Sêmalka derbasî başûrê Kurdistanê bibin, ji aliyê hêzên PDK’ê ve tên astengkirin. Dayikên Aştiyê û malbatên gerîlayên HPG’ê li Deriyê Sînor ê Sêmalka ji 5’ê cotmehê ve kon vedane û nobeda wan didome.
Dayîkên Aştiyê yên cihê xwe di çalakiya nobeda li Deriyê Sînor ê Sêmalka de digrin axivîn û anîn ziman ku ev nêzîkatiya PDK’ê nayê qebûlkirin.
Dayika Xerma Elî ku ji navçeya Tirbespiyê ye û cihê xwe di nobetê de digre diyar kir ku ev du meh in çalakî destpêkiriye û sê caran xwestine derbasî Başûr bibin lê timî bi hinceta cenaze li aliyê Rojhilat in tu bersiva rast nadin. Dayik Xerma Elî wiha got: “PDK ji bo îxaneta wan dernekeve holê naxwaze cenazeyê gerîlayên me bidin me. Ji dîrokê heta îro PDK îxanetê li gelê kurd dike û di encama vê îxanetê de jî gelek gerîla şehîd ketine. Ez bang li tevahiya kurdan dikim ku ji bo cenazeyê gerîlayên me rabin ser lingan û zextê li PDK’ê bikin. Rêya ku pêşî li îxanet û dagirkeriyê bigre yekitî ye. Daxwaza me yekitiya neteweyî ye. ”
Dayik Umeye Hesen El Hebîb ku ji pêkhateyên Ereb yê navçeya Tirbespiyê ye, ev tişt got: “Ji bo PDK cenazeyên gerîlayên me radestî me bike, ez weke jinek ereb tev li çalakiyê dibim. Radestnekirina cenazeyên gerîlayên me îxaneta herî mezin e.”
Dayik Caziye Hewran jî destnîşan kir ku ew di çalakiya rûmetê de ne û wiha anî ziman: “Ev du meh in em cenazeyên gerîlayên xwe dixwazin. PDK li dijî gelê kurd tim di nava îxanetê de ye, ev ne îxaneta yekemîne û ne jî ya duyemîn e.”
Di berdewama axaftina xwe de Dayik Caziye Hewran qala şehîdkirina birayê xwe yê di sala 1990’an û bi 24 hevalên xwe re bi destê PDK’ê hatibû şehîdkirin kir û wiha domand: “Ji wê rojê heta niha PDK’ê cenazeyên me radestî me nekiriye. Dijmînê xaka Kurdistanê ji bo kurdan ji hev cuda bike piştevaniyê dide PDK’ê û PDK jî tê lîstika wan.”
Caziye Hewran di dawiya axaftina xwe de bang li tevahiya kurdan kir û ev tişt got: “Kurdekî birûmet divê destê xwe dirêjî dijmin neke, divê destê xwe bide birayên xwe. Ez bang li PDK’ê jî dikim ku bila destê xwe ji xwîna kurdan bikêşe û hewl nede ku kurdan bikêşe aliyê xwe yê îxanetê, ji ber ku kurd ne kurdên berê ne.”
Hêzên PDK’ê yên ku cenazeyên gerîlayên HPG’ê desteser kirin, 99 roj in cenaze nadin malbatên wan. Malbatên ku dixwazin ji Kantona Cizîrê ya Bakur û Rojhilatê Sûriyeyê ji Deriyê Sînor ê Sêmalka derbasî başûrê Kurdistanê bibin, ji aliyê hêzên PDK’ê ve tên astengkirin. Dayikên Aştiyê û malbatên gerîlayên HPG’ê li Deriyê Sînor ê Sêmalka ji 5’ê cotmehê ve kon vedane û nobeda wan didome.
Dayîkên Aştiyê yên cihê xwe di çalakiya nobeda li Deriyê Sînor ê Sêmalka de digrin axivîn û anîn ziman ku ev nêzîkatiya PDK’ê nayê qebûlkirin.
Dayika Xerma Elî ku ji navçeya Tirbespiyê ye û cihê xwe di nobedê de digre diyar kir ku ev du meh in çalakî destpêkiriye û sê caran xwestine derbasî sînor bibin lê timî bi hinceta cenaze li aliyê Rojhilatin tu bersiva rast nadin. Dayik Xerma Elî wiha got: “PDK ji bo îxaneta wan dernekeve holê naxwaze cenazeyê gerîlayên me bidin me. Ji dîrokê heta îro PDK îxanetê li gelê kurd dike û di encama vê îxanetê de jî gelek gerîla şehîd ketine. Ez bang li tevahiya kurdan dikim ku ji bo cenazeyê gerîlayên me rabin li ser lingan û zextê li PDK’ê bikin. Tenê daxwaza me yekitiya neteweyî ye. Rêya ku pêşî li îxanet û dagirkeriyê bigre jî yekitî ye.”
Dayik Umeye Hesen El Hebîb ku ji pêkhateyên Ereb yê navçeya Tirbespiyê ye, ev tişt got: “Ji bo PDK cenazeyên gerîlayên me radestî me bike, ez weke jinek ereb tev li çalakiyê dibim. Desteserkirina cenazeyên gerîlayên me îxaneta herî mezin e.”
Dayik Caziye Hewran jî destnîşan kir ku ew di çalakiya rûmetê de ne û wiha anî ziman: “Ev du meh in em cenazeyên gerîlayên xwe dixwazin. PDK li dijî gelê kurd tim di nava îxanetê de ye, ev ne îxaneta yekemîne û ne jî ya duyemîn e.”
Di berdewama axaftina xwe de Dayik Caziye Hewran qala şehîdkirina birayê xwe yê di sala 1990’an û bi 24 hevalên xwe re bi destê PDK’ê hatibû şehîdkirin kir û wiha domand: “Ji wê rojê heta niha PDK’ê cenazeyên me radestî me nekiriye. Dijmînê xaka Kurdistanê ji bo kurdan ji hev cuda bike piştevaniyê dide PDK’ê û PDK jî tê lîstika wan.”
Caziye Hewran di dawiya axaftina xwe de bang li tevahiya kurdan kir û ev tişt got: “Kurdekî birûmet divê destê xwe dirêjî dijmin neke, divê destê xwe bide birayên xwe. Ez bang li PDK’ê jî dikim ku bila destê xwe ji xwîna kurdan bikêşe û hewl nede ku kurdan bikêşe aliyê xwe yê îxanetê, ji ber ku kurd ne kurdên berê ne.”
