Qezaya Xîzanî ya Bedlîsî de seba viraştişê baregehêkê leşkerî daristanî birîyenê.

Dewanê qezaya Xîzanî yê Bedlîsî de temmuze û tebaxe de qedexeyê tebervejîyayîşî îlan kerd û dima zî dest pê birnayîşê daran kerd. Yeno vatene ke bi taybetî şewan darî birîyenê û her roje bi 10-15 kamyonan darî yenê berdene.

Mabênê 2020 û 2023yî de dewleta tirke Bedlîs de binê nameyê operasyonê leşkerîyî de bi des hezaran donim daristanî vêşnayî. Dewleta tirke her serre nê daristanan vêşnena û kena ke tede kalekol, qereqol û baregehan viraza.

Qezaya Xîzanî de leşkerî û cerdevanî daran birnenê. 2yê hezîrane de sere de dewê Harat, Akunus, Govan, Lanilan, Xûlepûr, Kekulan, Sureh, Pertawan, Kuran û Urehî xeylêk dewan û dewekan de qedexeyê tebervejîyayîşî amebî îlankerdene. Dima herêma ‘Daristanê Findiklikî’ 14ê temmuze de sey Herêma Asayîşê Taybetî amebî îlankerdene. Wextê operasyonî de daristanê Findiklikî yê dewa Xûlepûrî de bi kepçeyan darî wedarîyayî û bi hezaran darî ameyî çinkerdene.