Rêveberê Polîsên navçeya Xurmatoyê diyar kir ku çeteyên DAIŞ’ê li gundê Zerge yê girêdayî Xurmatoyê çar şivan revandine. Her wiha got ji bo dîtina wan, leşkerên Iraqê dest bi operasyona lêgerînê kiriye.
Rêveberê Polîsên navçeya Xurmato Hisên Elî ji Rojnewsê axivî re axivî û diyar kir, di saetên nîvro de çeteyên DAIŞ’ê li gundê Zerge yê girêdayî Xurmatoyê çar şivan li gel hinek pez revandine.
Hisên Elî got piştî revandina her çar welatiyan, leşkerên Iraqê ji bo dîtina wan, li herêmê dest bi operasyoneke lêgerînê kirine. Elî da zanîn ku heta niha tu agahî der barê çarenûsa wan kesên revandî de bi dest nexistine.
Her wiha Elî Hisên destnîşankir di demên dawî de tevgera DAIŞ’ê ya li heremê zêde bûye û gelek caran êdî bi aşkere diçin nava gundan.
