Li Hewlêra Herêma Kurdistanê di 17’ê Tîrmeha 2019’an de li dijî wezîfedarê Sefaretxaneya Tirkiyeyê ya Hewlêrê dîplomatê tirk Osman Kose êrîş pêk hat. Di êrîşê de Kose û welatiya Iraqê Nerîman Osman û welatiyê ji Hewlêrê Beşdar Ramazan di êrîşê de jiyana xwe ji dest dan.

Mazlûm Dag û Abdrrahman Er bi sedema vê êrîşê hatibûn girtin û bi hinceta êrîş li dar xistine ji aliyê dadgeha dereceya ewil ve li Dag û Er cezayê darvekirinê hatibû birîn. Binpêkirina mafan a li dijî Dag û Er ên li Girtîgeha Hewlêrê tên ragirtin, didome. Dag û Er ên li dijî ferzkirina cilên yek tîp di 18’ê gulanê de dest bi çalakiya greva birçîbûnê kirin.

Dag û Er, li girtîgeha lê tên ragirtin li dijî binpêkirinên mafan û îşkenceyê di 28’ê îlona 2022’yan de dest bi çalakiya greva birçîbûnê kiribûn û piştî ku daxwazên wan hatibû qebûlkirin di roja 14’emîn de çalakî bi dawî kiribûn.

Dag û Er, li dijî binpêkirinên mafan ên li girtîgehê dijîn jî di 13’ê sibata 2022’yan de dest bi çalakiya rojiya mirinê kiribûn û li ser daxwazên wan hatibûn qebûlkirin, di roja 9’emîn de dawî li çalakiya xwe anîbûn.