Nûçegihana rojnameya Yenî Yaşamê Hatîce Şahîn ku di çarçoveya lêpirsîna li ser Kongreya Civaka Demokratîk (KCD) de di 18’ê cotmeha 2018’an de hatibû binçavkirin û pişt re hat berdan bi îdiaya “endamtiya rêxistinê” tê darizandin. 3’yemîn danişîna doza Şahîn li 9’emîn Dadgeha Cezayê Giran a Amedê hat lidarxistin. Derbarê Hatîce Şahîn de heta 15 salan cezayê hefsê tê xwestin.
Şahîn û parêzerê xwe Resûl Tamûr di danişînê de amade bûn. Tamûr xwest doz were betalkirin û biryara beraetê were dayîn. Şandeya dadgehê ji bo temamkirina naveroka dosyeyê danişîn taloqî 11’ê cotmehê kir.
