Komîteya Pawitişê Rojnamegeran (CPJ) û MENA Rights Group (MRG) seba veradîyayîşê rojnameger Silêman Ehmedî venga Neteweyanê Yewbîyayeyan da.
Komîteya Pawitişê Rojnamegeran (CPJ) keyepelê xo de pare kerd ke 12yê nîsane de înan MENA Rights Group (MRG) reyde waştişêko ‘bilez’ pêşkêşê Komîteya Vindîkerdişê Bi Zorî ya Neteweyanê Yewbîyayeyan (NY) kerdo.
CPJyî da zanayene ke înan waşto ke wa cade komîte seba veradîyayîşê rojnameger Silêman Ehmedî têbigêra. CPJyî dîyar kerd ke rojnameger Ehmed hetê hukmatê Başûrê Kurdistanî ra tepişîyayo, destûr nêdîyeno pêvînayîşê ci yê bi keye û avûkatan û aqîbetê ey nêzanîyeno.
