Komîteya Parastina Rojnamevanan (CPJ), 2 sal û 17 roj cezayê hefsê ku bi îdiaya rojnamevan Hakki Boltan heqaret li serokkomar Recep Tayyîp Erdogan û serokwezîrê berê Ahmet Davûtoglû kiriye hatibû birîn, şermezar kir. Rojnamevan Hakki Boltan, di sala 2016’an de têkildarî Midurê Karên Nivîsan ê Azadiya Welat Rohat Aktaş ku di qedexeya derketina derve ya li Cizîrê de li jêrzemîna avahiyekê hatibû qetilkirin, daxuyanî dabû.  CPJ’yê di daxuyaniya xwe de wiha got: “Tirkiye ji bo azadiya ramanê bikaraniye, divê îtîrazî temyîza parazvanê çapemeniya azad Hakki Boltan neke. Divê meqamên tirk ji bo rojnamevan, bi awayekî kêfî nekevin girtîgehê, reformên qanûnî yên pêwîst pêk bînin.”