Endamê Cowley Collective Connor Fetigenî ard ziwan ke dewleta tirke seba ke îdeolojîyêka newîye ya sosyalîste asteng bikero, Serekê PKKyî Abdullah Ocalanî tecrîd kena û wina vat: “Ganî Abdullah Ocalan azad bibo. Seba ney zî ganî ma xo rêxistin bikerê.”
Connor Fetigenî vist vîrî ke ê sey têgêrayîşî armanc kenê ke konfederalîzmê demokratîkî awan bikerê coka konferans seba înan bikelecan bîyo. Fetigenî vat: “Panelanê konferansî de bi taybetî îdeolojîya têgêrayîşê azadîye yê kurdan ra îstîfadekerdiş babetêka balkêşe bî. Cewabê persa ‘Ma senî eşkenê têgêrayîşê azadîye yê kurdan bîyarê welatê xo û rêxistinanê xo aver berê’ rojdemê ma bîyî.”
Fetigenî ard ziwan ke ganî ciwanî hîna zaf xo rêxistin bikerê û mîyanê dezgehanê cîyayan de pîya bixebitê. Fetigenî vat: “Mi kerd ke rêxistinanê bînan ser o agahîyan arê bida û senî bieşka tewra xebatanê înan biba xîret bikera.”
Fetigenî pare kerd ke tecrîdê vera Serekê PKKyî Abdullah Ocalano ke ronayoxê Konfederalîzmê Demokratîkî yo, çîyêko ecêb nîyo. Fetigenî vat: “Seba ke dewleta tirke tersena ke îdeolojîyêka newîye ya sosyalîste berz bena û Abdullah Ocalan zî ronayoxê ci yo ey tecrîd kena. Ganî Abdullah Ocalan azad bibo. Seba ney zî ganî ma xo rêxistin bikerê. Ewropa de ma nawnayîşan kenê ke her kes wa bizano ke Ocalan tepişte yo.”
