Dewa Marunîsî ya Colemêrgî de 2007 ra nata karê madenî yenê kerdene. Şarî vera karanê madenî yê Şîrketa Sedex Resourcesî dest pê çalakîya nobete kerd.

Şarî Pirdê Şinê ra heta gelîya madenî rayraşîyayîş kerd û dima bi eşkerayîyêke waştişê xo ardî ziwan.

Tîya de Salîh Kurtî pare kerd ke şar karanê madenî ra semed beno mexdûr û vat: “Aw û erdê ma herimîyayê, lêşinîya hewayî û meseleya nêweşîya nefesî zêdîyayê. Ca çin o ke ma heywananê xo tede pêz bikerê. Ma cade wazenê ke karê madenî vinderê.”

Kurdî waştişê înan wina rêz kerdî:

”Wa karê madenî vinderê, zerarê ke madenî dayê wa bêrê tazmînkerdene, warê dewijan sey verî bêrê awankerdene, texrîbatê madenî bêrê raştkerdene û war de darî bêrê ronayene.”