Colemêrg de heywankar û citkarî rîyê krîzê ekonomîkî ra nêeşkenê debara xo bikerê. Menge bi menge mesref zêdîyeno û cuye zehmet dana.

Citkar Rahmî Îhtîyatliogluyo ke seba çînayîşê vaşan serê sibayî 4 de şîyar beno vat: “Ma nê vaşan zimistanî danê heywanan. Hînî heywankarîye zî citkarîye zî ma rê nêvejîyena. Ma roje de bi hezaran lîra danê makînaya patosî. Par ma 50 lîra dayêne wesayîtî û pê ameyêne dewe la emser seba ke vaya wesayîtî 300 lîra ra zêdeyêr a, wesayît kira nêkenê.

Ma nêeşkenê mesrefê xo zî vejê. Ma meşnayê xo, mangayê xo rotê nika zî do vaşanê xo biroşê û tîya ra şorê. Çunke mîyanê nê krîzî de hînî ma nêeşkenê qezenç bikerê. Weçînayîşan ra pey krîz hîna bi pîlêr, ma nêeşkenê çîyêkî bihêrînê. Yanî zerarî ra ber ma çîyêkî nêkenê.”