Ciwanê kurdî yê Yunanistanî bi wesîleya Komployê Mîyanneteweyî yê vera Rayber Apoyî rayra şinê. Ê hem seba azadîya Rayber Apoyî û hem zî hetkarîya mexdûranê erdlerzê Kurdistanî veng danê.
Yunanistan de bi wesîleya serrgêra 24. ya Komployê Mîyanneteweyî yê vera Rayber Apoyî, perey rayraşîyayîşo derg ê 3 rojan dest pêkerdbî.
Kurdistanijê Yunanistanî seba azadîya fîzîkîye ya Rayber Apoyî 2 rojî yo ke rayra şinê. Rayraşîyayîş do 3 rojî dewam dewam bikero û ewro biqedîyo.
Rayraşîyayîş bi rayberîya Têgêrayîşê Ciwanan ê Şorişgêran, Merkezê Kulturê Kurdan ê Atina û Têgêrayîşê Cinîyan ê Kurdan ê Ewropa yeno kerdene. Çalakgerî roja diyine de derheqê komployî de vilawekî vila kerdî.
Ciwanê ke bi moral rayra şinê, seba ke bale biancê erdlerzê Kurdistanî ser, pankartî akerdî, kurdelayê sîyasî bestî û seba hetkarîya Heyva Sor a Kurdistanî vilawekî vila kerdî.
Hewa serdin bî zî la ciwanan bi coşêkê girdî rayraşîyayîşê xo dewam kerd û ê nêmroje de resayî Atîna.
Ciwanî ewro do verê Parlamentoyê Yunanistanî de eşkerayîye bidê çapemenî û dima rayraşîyayîş ver bi Sersefîrîya Tirkîya bêro kerdene û polîtîkayê tecrîdî û îzolasyonî bêrê protestokerdene.
