Ciwanên enternasyonalîst ên li bajarê Torîno yê Îtalyayê bi armanca piştgiriya azadiya rêberê PKK’ê Abdullah Ocalan û şermezarkirina êrîşên li dijî Şengal û rojavayê Kurdistanê çalakiyek lidar xistin. Di çalakiyê de flamayên Rêberê PKK’ê Abdullah Ocalan, ala mezin a TEV-DEM’ê û pankart hatin vekirin. Bi boyaxa sprey portreya Ocalan, li ser dîwar hate çêkirin û nivîsa ‘Liberta per Ocalan’ (Ji Ocalan re azadî) hate nivîsandin.
Li ber avahiya nûçeyan a navendî, navber hat dayîna meşê û jinên ciwan ên enternasyonalîst li ser rola medyayê axivîn. Di daxuyaniya hatî dayîn de, hate diyarkirin ku yên êrîşên dewleta tirk û Îsraîlê nadin çapemeniyê, di destê wan de xwîna gelê Kurd û Fîlîstînê heye.
Di daxuyaniyê de hate destnîşankirin ku rola fabrîqeya çekan Leonaro ya li Torînoyê, di van êrîşan de heye û wiha hate gotin: “Ji bo gelên bindest ji dervey azadiya Rêber Ocalan, ti çareseriyeke din nîne. Armanca destpêkê ya ciwanên navneteweyî, şikandina tecrîda li ser Rêber Apo û mîsogerkirina azadiya wî ya fîzîkî ye.”
Çalakvanan belavokên ku hevkariya serokê dewleta Îtalyayê Giorgiya Melonî û Erdogan teşhîr dikin, bi dîwaran ve zeliqandin.
Di çalakiyê de dirûşmên “Bijî Serok Apo”, “Bijî PKK”, “Bijî Berxwedana Rojava”, “Jin Jiyan Azadî” û “Şehîd Namirin” hatin berzkirin.
