Ciwanên Bakur û Rojhilatê Sûriyeyê ji bo silavkirina pêngava ‘Ji Abdullah Ocalan re azadî ji pirsgirêka kurd reçareseriya siyasî’ û pîrozkirina 45’emîn salvegera damezrandina Partiya Karkerên Kurdistan (PKK) dest bi meşeke dirêj dikin. Meşa dirêj wê ji Qamişloyê destpê bike, 3 rojan dewam bike û li bajarê Dêrikê bi mîtîngekê bi dawî bibe.

Meş wê 29’ê mijdarê roja Çarşemê saet di 09:00 de li ber Medînê Şebab a bajarê Qamişloyê destpê bike.

Meşvan wê di navçeyên Qamişlo, Tirbêspiyê, Çilaxa, Rimêlan û Girkê Legê re derbas bibin.

Bernameya meşê wiha ye:

Roja yekemîn wê li Tirbespiyê saet di 5:00 de bi şahiyekê salvegera damezrandina PKK’ê bê pîrozkirin.

Roja duyemîn li Rimêlanê wê sînevîzyonek li ser jiyana Rêberê Gelê Kurd Abdullah Ocalan bê nîşandan.

Roja sêyemîn wê meş li Dêrîkê bi mîtîngekê bi dawî bibe.