Ciwano kurd Serhat Gultekîno ke bi destê Fransa teslîmê Tirkîya bî rê destûr nêdîyeno ke avûkatanê xo reyde pêvînayîş bikero.
Ciwano kurd Serhat Gultekîno ke 2017 de Fransa rê muracatê îltîca kerdbî, 4ê nîsane de amebî tepiştene û perey zî teslîmê Tirkîya amebî kerdene. Gultekînî rê destûr nêdîyeno avûkatanê xo bivîno. Gultekîno ke nêweşîyê ci yê giranî est ê, rewşa ci nêzanîyena.
Avûkatanê Gultekînî Şule Recepoglu, Umît Bînîcî û Sîdar Perçînî eşkerayîyêka nuştekî daye. Avûkatan da zanayene ke Gultekînî de nêweşîyêka nadîre ya bi nameyê ”sendromê marfanî”, nêweşîya mîde est ê û tedawîya ci nêmcet menda.
Avûkatan pare kerd ke Fransa goreyê qanûnan tênêgêraya û verî ke 48 saetî bibê Gultekîn teslîm kerdo. Avûkatan dîyar kerd ke ganî her kes derheqê babete de hîsgêr bibo.
