Dewanê qezayanê Bulam û Çêlikanî yê Semsûrî de cinawiran cenazayê kesanê ke binê xirban ra xelisîyayî werdî.
Dewijan da zanayene ke hata nika hema qet hetkarî nêresaya dewanê qezayanê Bulam û Çêlîkanî. Dewijan vat dewa Kalburcu de çew dinyaya xo nêbedilnaye la şar şertanê zehmetan de hetkarî paweno. Zerrîwazanê ke resayê herême vat dewanê Bulam û Çêlikanî de kesê ke binê xirban ra xelisîyayî misyel bîyî û cenazayê înan cinawiran werdî. Dewijan gazî kerd ke wa cade hetkarî bireso nê dewan.
Rîya vewre ra û seba ke zinarî rayîran de ginayî war rayîrî qefilyayeyî. Dîya zanayene ke heta ke muracato fermî çînêbo ekîbê AFADî nêşinê.
