SAMER’î, seba serra 2025î anketê xo yê şîdetê vera cinîyan û îstîsmarkerdişê domanan eşkera kerd. SAMER’î daneyê xo Bîanet, Jin News, Platformê Ma Şîdetê Vera Cinîyan Bivindarnê, Ajansê Mezopotamya, ajansanê neteweyî û herêmîyan ra girewtê û dima nê daneyî bi vasîtaya SPSS’î kerdê tablo.
Goreyê kontrolkerdişê mabenê 1ê Çele û 31ê Kanûna 2025î; çi heyf ke 420 cinîyî ameyê qetilkerdene, 508 cinîyan bi şik û guman cuya xo vîndî kerde, hewna 662 cinîyî ameyê birîndarkerdene, 1089 cinîyî sektorê fihûşî de ameyê xebitnayene, 130 cinîyî raştî tecawizî ame, vera 96 cinîyan gefî ameyê wendene û 170 domanî zî ameyê îstîsmarkerdene.
Wexto ke emrê mexduranê serbûtan yeno ewnîyayene de; emrê %58,3yî nêzanîyeno, yê %12,5î 0-17 serrî, yê %4î 18-24 serrî, yê %6,3yî 25-34 serrî, yê %5,9î 35-44 serrî, yê %3,7î 45-54 serrî, yê %2,7î 55-64 serrî, yê %4î 65 serrî û serê ci yo. Emrê %2,6î zî nêzanîyeno (domanî).
Derheqê faîlanê serbûtan de zî; %60,1ê faîlan nêzanîyenê, %10,1ê faîlan mêrde yê, %5,2yê ci nêşinasîyenê, %3,1ê ci yenê şinasnayene. %2,9ê faîlan merdimê mexduran ê, %2,8ê ci mêrdeyê înan ê verên ê, %2,3yê ci mêrdeyê demê cîyabîyayîşî yê, %2,1ê ci waştîyê verên ê û %2,1ê ci zî waştîyê înan ê.
Cînayetê ke çapemenîye de ameyê weşanayene; %15ê ci Stenbol, %6,4ê ci Edene, %5,2yê ci Îzmîr de qewimîyayê. Serbûtê tecawuzî; %28ê ci Stenbol de, %8ê ci Edene de, %8ê ci Enqere de û %8ê ci Eskîşehîr de qewimîyayê.
Îstîsmarkerdişê domanan de zî; %26,5ê ci Stenbol de, %8,8ê ci Zonguldak de, %7,6ê ci Mêrsîn de û %7,1ê ci Şirnex de qewimîyayê. Anketê xebate, bi tabloyî pêroyîya raporî de ameyo weşankerdene.
