Fîlozof, tarîxnas û ziwannasê amerîkanî Noam Chomskyî paştî daye kampanyaya ‘Abdullah Ocalanî rê Azadîye’ ke Başûrê Kurdîstanî de dîyabî destpêkerdene.
Komîteya Ocalanî rê Azadîye ya Başûrê Kurdîstanî serrgêra 23. ya Komployê Mîyanneteweyî yê 15ê Sibate de kampanyayêke dabî destpêkerdene. Xeylêk cayanê dinya ra kesê namdarî paştî danê kampanya.
Chomskyî bi mesajêkê taybetî paştî daye kampanya û vato: ”Ez zaf berxwedar a ke paştî dana na kampanya.”
Chomsky bi serran o paştî dano têkoşînê şarê kurdî û o mîyanê endamanê Înîsîyatîfê Haştîye yê Kurdîstanî de ca gêno. Chomskyî verî zî îmza da bi kampanyaya ‘Wextê ci ameyo, Abdullah Ocalanî rê Azadîye.’
