Komiteya Azadiya Ocalan a başûrê Kurdistanê di roja 15’ê Sibata 2022’yan de, di 23’yemîn salvegera komploya navneteweyî ya li dijî Rêberê PKK’ê Abdullah Ocalan de ji bo azadiya Ocalan dest bi kampanyayeke berfireh kiribû.

Heta niha 10 partî û aliyên siyasî yên başûrê Kurdistanê tev li vê  kampanyayê bûne û piştgirî dane . Her wiha bi sedan rewşenbîrên başûrê Kurdistanê piştgirî dane vê kampanyayê.

Filozof, Dîroknas û Zimanzanê emerîkî Noam Chomsky jî ebi peyamke taybet piştgiriya xwe ya ji bo kampanyayê ragihand.

Chomsky di peyama xwe de kêfxweşiya xwe ya ji bo tevlêbûna kampanyaya ji bo azadiya fizikî ya Ocalan anî ziman û wiha got: “Ez ji bo vê piştgiriyê gelek kêfxweş im.”

Li gorî Komîteya Azadî ji bo Ocalan, heta niha bi sedan rewşenbîr, akademîsyen, mamostayên zanîngehê, hunermend, siyasetmedar, parlamenter, nivîskar, aktîvîst tev li kampanyayê bûne. Tê payîn ku di demek nêzîk de encama vê kampanyayê ji raya giştî re dê were ragihandin.