Zîndanê Cinîyan ê Sîncanî de pê bahaneya govendgirewtişî mengêke cezaya îrtîbatî ameye dayene Hemşaredara Qereyazî Melîke Goksu û 3 cinîyan ê tepişteyan.
Hemşaredara Qereyazî ya Erziromî Melîke Goksu dima ke dest nîyabi wezîfeyê ci ser tepişîyaye û erşawîyaye Zîndanê Cinîyan ê Sîncanî. Melîke Goksu 6ê êlule de pê telefonî keyeyê xo de qisey kerd.
Cezaya îrtîbatî dîyaye
Melîke Goksu da zanayene ke mengêke verî aye û 3 embazanê ci yê koxûşî deyîrî vatî û govende girewte coka cezaya dîsîplînî dîyaye înan. Melîke Goksu pare kerd ke qasê mengêje cezaya îrtîbatî dîyaye înan.
Leyla Guvene rê cezaya qedexeyê zîyaret û îrtîbatî
Hemsereka Kongreya Komela Demokratîke (KCD) Leyla Guven û 10 cinîyê tepişteyî zî bi heman bahane menga tebaxe de maruzê cezaya qedexeyê zîyaret û îrtîbatî mendî. ANQARA
