Dewa Bazirganî ya qezaya Gîyadînî ya Agirî de cerdevanan keyeyêk kerd hedef.

Cerdevanan verê cû zî waşt erdê keyeyî xesp bikerê coka çend reyî eştbî banê keyeyî ser, ban dabî adirî ver û hêrişê şarî kerdbî. La keyeyî rixmê nê kerdişan zî erdê xo nêda. Naye ser o serê sibayî cerdevanan ancî hêrişê dewe kerd. Seba ke dewijan zî cewabê cerdevanan da, pirodayîş vejîya û cerdevanan bi çekan yewê ci cinîye di dewijî dirbetin kerdî.
Ekîbanê weşîye dirbetinî wedaritî nêweşxaneyî.

Dewe de alozîye dewam kena. Dekewtiş û vejîyayîşê dewe ameyî qedexekerdene.
Nêzanîyeno ke cerdevanî ameyê destbendkerdene yan ney.