Xwendekara Zanîngeha Yuzuncu Yilê Rojîn Kabaîş di 27’ê îlonê de winda bû û cenazeyê wê di roja 18’emîn de li gundê Molla Kasim li rex qeraxê Gola Wanê hat dîtin. Otopsiya cenazeyê li Saziya Tipa Edlî (ATK) ya Wanê hat kirin û piştre jî anîn Amedê. Hevşaredara Bajarê Mezin a Wanê Neslîhan Şedal û endamên DEM Partiyê jî bi cenazeyê re hatin.
Cenazeyê Kabaîş anîn Goristana Yenîkoyê ya navçeya Rezanê û wecîbeyên olî hatin pêkanîn. Piştre jî hevşaredarên jin ên DEM Partiyî, aktîvîstên TJA’yê, endamên DBP’ê darbesta Kabaîş hilgirtin û bi sedan kes tev li merasîma definkirinê bûn.
Jinan cenaze ji wesayîtê hilgirtin û heta goristanê birin. Cenazeyê Kabaîş, di nava girî û zemaran de hat definkirin. Li ser gora Kabaîş dua hatin kirin. Malbatê li goristanê taziye qebûl kir û piştre jî derbasî Mala Şînê ya Abdurrahman Enç bû.
