Malbata girtiyê nexweş Halîl Guneş ê li Girtîgeha Hejmara 2 a Ewlehiya Bilind a Amedê jiyana xwe ji dest da, cenazeyê Guneş ji Saziya Tipa Edlî (ATK) girtin û birin Edeneyê. Rêveber û nûnerên DBP, OHD, TUHAY DER, MED TUHAD-FED, HDP’ê û gelek kesên din li pêş nexweşxaneyê kom bûn û bi dûrişmeya “Şehîd namirin”, “Bijî berxwedana zindanan” û “Girtiyên siyasî rûmeta me ne” cenaze oxir kirin. Polisan xwest mudaxaleyî girseyê bike. Girseyê bi dûrişme û çepikan astengiya polis şermezar kirin.
Malbatên ku 30 roj in li Baroya Amedê Nobeda Edaletê digirin, îro li ber ATK’ê nobeda xwe berdewam kirin. Malbatan bi gotin “Bila êdî ji girtîgehan cenaze dernekevin.” û dûrişmeya “Halîl Guneş rûmeta me ye” sertekên xwe anîn ziman.
