Malbatên 34 qurbaniyên Komkujiya Roboskiyê Cejna Qurbanê li ser gorên zarokên xwe pêşwazî kirin.
Di 28’ê kanûna 2011’an de balafirên şer ên F-16 yên Tirkiyeyê li gundê Roboskiyê ya navçeya Qilebana Şirnexê bombe barandibûn. Di êrîşa hewayî de 19 jê zarok 34 welatiyên gundê Roboskî perçe perçe bûbûn û jiyana xwe ji dest dabûn. Malbatên qurbaniyên Roboskî ji ber Cejna Qurbanê çûn ser gorên zarokên xwe û cejnek din jî li ser goristanê pêşwazî kirin.
Rêxistina HDP’ê ya Navçeya Gevera Colemêrgê jî serdana goristanên li taxên Orman û Bajêrge kir û kesên di têkoşîna azadî û demokrasiyê de jiyana xwe ji dest dane bibîr anî.
Rêveberên HDP’ê û Dayikên Aştiyê ewilî serdana gora Suleyman Aksû yê ku di Komkujiya Pirsûsê de bi 33 hevalên xwe re hatibû kuştin kir û li ser gorê rêz girtin.
