Konferansê cinîyan ê Partîya Çep a Keske do Merkezê Kultur û Perwerdeyî yê Odaya Mihendizanê Makîna ya TMMOByî de bêro kerdene.

Partîya Çep a Keske do 8-9ê êlule de Anqara de bi şîarê “ma bi xoverdayîşê xo rêxistin benê, azadîya xo pawenê” konferansêk serûber bikero. Cayê konferansî vurîya. Verê cû ame eşkerakerdene ke konferans do Merkezê Tîcaretî yê Dinya yê Anqara de bibo. Dima ra rîyê sebebanê teknîkî eşkera bî ke konferans do Merkezê Kultur û Perwerdeyî yê Odaya Mihendizanê Makîna ya TMMOByî de bêro kerdene.

Aşma teşrîna verêne de kongreya Partîya Çep a Keske do bêro serûberkerdene. Seba kongre amadekarîyî zî virazîyenê. Na çarçewa de 400 delegeyê cinîyî do tewrê konferansî bibê, uca de tayê pêşnîyazanê qerarî bîgêrê û pêşkêşê kongre bikerê. Rojdemê konferansî de babetê hetê Meclîsê Cinîyan ra viraştişê butçeya xo, problemê tepişteyanê cinîyan, têkilîyê bi rêxistinanê cinîyan ê mîyanneteweyîyan bibê.