Amed de cinîyêke hetê camêrdo ke prosesê veradayîşî de bî û Îzmîr de zî cinîyêke hetê camêrdo ke tira cîya bibî ra ameyî qetilkerdene.

Qezaya Yenîşehîrî ya Amedî de camêrdê bi nameyê E.T. cinîya xo ya bi nameyê Şule A.T. (21) bi kardî qetil kerde. Cenazaya Şule seba otopsî wedarîyaye Dezgehê Tipê Edlîyî.

E.T. cînayetî ra 20 deqayan dima qezaya Rezanî de ame destbendkerdene û pêgirewtene.

Qezaya Karabaglarî ya Îzmîrî de cinîyêka bi nameyê Nurel Turkmene mîyanê kuçeyî de hetê camêrd Ş.T.yo ke tira waştêne cîya biba ra pê kardî ameye kiştene. Turkmene bi ambulansî wedarîyaye Nêweşxaneyê Perwerde û Cigêrayîşî yê Ataturkî la rixmê pêro xîretan zî nêxelisîyaye.

Ş.T. serebûtî ra dima tepişîya.