Çalakiya Nobeda Edaletê ya ji hêla Komeleya Alîkariya bi Malbatên Girtiyan re (TUAY-DER) û Federasyona Komeleyên Hiqûq û Piştevaniya Malbatên Girtî û Mehkûman Med (MED TUHAD FED) ve bi dirûşma “Ji Abdulah Ocalan re azadî, ji pirsgirêka kurd re çareseriya siyasî” bi biryardarî didome.
Salona DEM Partiyê ya navçeya Rêzan a Amedê bi pankartên “Em ji bo edaletê tecrîdê bişkînin, ji bo aştiya civakî bibin dengê girtiyan” , “Ji dayîkên lehengan hezar silav li zîndanan. Em ê bi hêza xwe tecrîdê bişkînin û jiyana azad ava bikin” hatibûn xemilandin û çalakî di roja 11’an de didome. Ji bo piştgiriyê Hevseroka Patiya Herêmên Demokratîk (DBP) Sûltan Yaray, rêveber û nûnerên Dayîkên Aştiyê, rêxistinên civakî û gelek welatî serdana çalakgeran dikin.
Di serdana çalakiya “Nobeta Edaletê” de dirûşmên “Bijî berxwedana zîndanan” û “Li dijî tecrîdê em dadê pêş bixin” hatin berzkirin. Çalakgeran stranên şoreşgerî gotin û lîlandin. Serdanên nûnerên rêxistinên civakî, siyasî û welatiyan ya ji bo çalakgeran didome.
