Nobeda Edaletê ya malbatên girtiyan ku ji bo girtiyên nexweş serbest bên berdan li Amedê 129 roj in didome. Malbat li ber Deriyê Dadgeha Amedê kom bûn û daxuyanî dan çapemeniyê. Nûner û rêveberên MED TUHAD-FED, TUAY-DER, MEBYA-DER, HDP û 25 parêzeran xwestin beşdarî daxuyaniyê bibin. Lê polîsan destûr nedan ku nûnerên partiyên siyasî, nûnerên rêxistinan û parêzer tevlî çalakiyê bibin. Lewre malbatan ev yek qabûl nekirin û çalakiya rûniştine lidar xistin. Polîsan malbat û parêzeran dorpêç kirin.
Herdem Merwanî ya ku bave wê 30 sal e di girtîgehê de ye û nexweşe di nava dorpêçê de bang kir û wiha got: “Heta ev pirsgirêk çareser nebe em ê çalakiyên xwe bidomînin. Ev agir tenê ne me dê we jî bişewitîne.”
Malbatan dirûşmeyen “Bijî berxwedana zindanan” û “Heq, hiqûq, edalet” berz kirin.
