Hevseroka HDP’ê Pervîn Buldan der barê vekişîna Tirkiyeyê ya ji Peymana Stenbolê li oteleke Beyogluya Stenbolê bi jinên rojnameger re civiya. Di civîna ku gelek rojnameger û jinên parlamenterên HDP’ê tevli bûn û li salonê pankarta ‘Peymana Stenbolê dide jiyin û em dev ji Peyman Stenbolê bernadin” hat daliqandin.
Pervîn Buldan vekişîna ji peymanê wek ‘darbeya li hemberî jinan’ pênase kir û wiha got: “Li gelek qadan darbe pêk hat û ev tişt jî bû darbeyek nû. Beriya niha jî li hemberî destkeftiyên jinan darbeyek pêk hatibû û betalkirina peymanê jî tê wateya domandina darbeyan. Beriya feshkirina peymanê, hikûmetê tim êrişî destkeftiyên jinan dikir. Hewceye em ji bîr nekin ku vekişîna dewletê ji peymanê jî berdewama van êrîşan bû. Ji ber vê yekê jî divê jin li hemû deskeftiyên xwe xwedî derkevin.”
STENBOL
