Botan de vera şerî ‘Nobeta Cuye’ yena kerdene. Beşdarê Nobeta Cuye mesajê sey ‘Ganî ma vera şerî bêrê têhet û têkoşînî berz bikerê’ dayî.

Dewleta tirke ya îşxalkere 17ê nîsane de bi hemkarîya PDKyî hêrişê Zap û Avaşînî kerdbî. Rêxistina HDPyî ya Şirnexî vera şerî bînaya xo de ‘Nobeta Cuye’ daye destpêkerdene. Nobete vizêr bi hawayêkê girseyî ameye kerdene.

Parlamenterê HDPyî Nurane Îmîr, Hasan Ozguneş, Huseyîn Kaçmaz, Meclîsê Mayanê Haştîye, Îdarekarê HDPyî yê Şirnexî, aktîvîstê TJA, Hemşaredarê Silopî, Cizîre û Hezexî, temsîlkarê KESKî û xeylêk hemwelatîyî tewrê nobete bîyî.

Çalakîye de hetê Hemserekê HDPyî yê Şirnexî Abdullah Gungenî ra eşkerayîye ameye wendene. Gungenî îfade kerd ke ganî kurdî yewîya xo bîyarê ca û seserra 2021î biba seserra serkewtişê kurdan.

Parlamenter Hasan Ozguneşî zî ard ziwan ke hêzê hegemonî seba ke petrol û gazê Başûrê Kurdîstanî bivisnê destî paştî danê şerê dewleta tirke. Ozguneşî bale ante ser ke îqtîdarê AKP-MHPyî wazeno sînoranê Mîsak-i Mîllî awan bikero.

Parlamentere Nuran Îmîre pare kerd ke ê sey şarê Botanî vera şerî xo ver danê. Îmîre vat: “Seba pawitişê cuye ma do çalakîya xo ya nobete rê dewam bikerê.”

Nobete bi sloganê ‘Cinîyî şerî nêwazenê’, ‘Şerî rê nê, haştîye rê he’ qedîyaye.