Di 13’ê cotmehê de li kolana Îstîklalê ya navçeya Beyoglû ya Stenbolê teqînek pêk hat û di teqînê de 6 kesan jiyana xwe ji dest dan û 81 kes jî birîndar bûn. Li gel Alham Albashir ku ku bi teqîna îstiklalê tê sûcdarkirin 48 kesên piştî teqînê hatibûn binçavkirin, ji bo îfadeyê wan bê girtin sewqî Edliyeya Stenbolê hatin kirin.

Ji 51 kesan kar û barên îfadegirtinê yên 49 kesan ên li Mîdûriyeta Polîsan a Stenbolê bi dawî bûn û bi çar dolmîşên polîsan wan bi wesayîtên zirxî ji bo ku kontrola wan a tenduristî bê kirin birin nexweşxaneyên derdorê. Piştî kar û barên kontrolên tendûristiyê, binçavkirî ji bo îfadeyên wan li dozgeriyê bên girtin bi wesayîtên zirxî anîn Adliyeya Stenbolê ya Çaglayanê.