Rêxistina Mafên Mirovan a Efrîn-Sûriyeyê bîlançoya meha adarê ya sûcên çeteyên Dewleta Tirk ên li Efrînê aşkera kir.
Li gorî raporê; 11 kes hatin revandin. 20 revandî jî ji girtîgeha Raiyê reviyan.
Kesek di encama teqîna bermahiyên şer de hat kuştin.
Îşkence li 6 kesan hat kirin, hin ji wan ji ber pîrozkirina cejna Newrozê îşkence li wan hat kirin.
Zêdetirî 300 darên zeytûnan hatin birîn. Herwiha zêdetirî 3 hezar û 100 darên daristanî li daristanên Çiyayê Qaziqlî, Hec Hesenlî û Qitmê hatin birîn.
Herwiha xerac li ser milkên koçberan hatin ferzkirin û gelek kel û pelên şêniyan ji aliyê çeteyan ve hatin dizîn.
