Êrîşên ku artêşa tirk ji 17’ê nîsanê ve li herêmên Zap, Metîna û Avaşînê yên Herêma Kurdistanê bi piştgiriya Partiya Demokrata Kurdistanê (PDK) didomîne, 5 mehan li pey xwe hiştin. Navenda Ragihandin û Çapemeniyê ya HPG’ê bîlançoya şerê ku 5 meh in didome aşkera kir.
Li gorî nûçeya ku Ajansa Nûçeyan a Firatê (ANF) derbas kiriye, herêm bi sedan car hatiye bombebarankirin, di êrîşan de çekên fosfor, termobarîk, nukeera taktîk û çekên kîmyewî hatine bikaranîn û 2 hezar û 4 car “sûcê şer” hatiye qeydkirin.
10 helîkopter hatine xistin
Li gorî nûçeya ANF’ê, di nav 5 mehan de 105 gerîllayên HPG û YJA-STAR’ê jiyana xwe ji dest dane. Her wiha di nûçeyê de hatiye ragihandin ku di şer de 2 hezar û 132 leşker û cerdevan jiyana xwe ji dest dane û 10 helîkopter hatine xistin.
