Namzeda Şaredarîya Farqînî ya DEM Partî Sevîm Bîçîcî seba raydayîşî venga şarî da û wina qisey kerd: “Her rayêke do sey lapatêke bêra dayene rîyê AKP û qeyûman ro.”

Sevîm Bîçîcîya ke wextê Prosesê Çareserîye de xebatî kerdbî û dima nê xebatan ra tepişîyabî pare kerd ke aye heta nika TJA de wezîfeyî kerdî û xebatê seba yewîya kurdan zî ardê ca.

Sevîm Bîçîci pare kerd de mîyanê pêro partîyan de tewr zaf DEM Partî paradîgmaya azadîya cinîyan pawena û vat: “Coka ez DEM Partî ra bîya namzede. Heyf ke nê 5-6 serran de bi destê qeyûman her kuçeyê Farqînî ameyo xerakerdene. Ancî qeza de xokiştişî zaf ê. Çunke her kesî ser o yew qesawetê debarkerdişî est a. Seba cinîyan xora warêkê îstîhdamî nêame verdayene. Îqtîdar keno ke mîyanê komelî de bêhêvîtîye aver bero coka xizanîye zî ferzê şarî keno. Şarê Farqîn û cinîyî verê nê polîtîkayan de sereyê xo nêarê war.

Farqînî tim serê sindoqan û kuçeyan de cewabêko zaf zelal dayo îqtîdarî. Nê weçînayîşan de zî seba ke ma cewabê tewr pîlî bidê ê kesan ke îradeyê ma xesp kerdo ganî ma şorê sindoqan ser. Her rayêke do sey lapatêke bêra dayene rîyê AKP û qeyûman ro.”