Têkildarî berxwedana li Rojhilatê Kurdistan û Îranê didome dê sibê li Amedê panela “Îro û siberoja serhildana Rojhilatê Kurdistanê û Îranê” were lidarxistin.
Li Amedê Dibistana Marksîst a Amedê (DMA) li ser berxwedana li Rojhilatê Kurdistanê û Îranê didome û derfetên ji îro heta sibê panelekê li dar dixin. Panela bi sernavê “Îro û siberoja serhildana Rojhilatê Kurdistanê û Îranê” were lidarxistin wê li Otela Demîr a li navçeya Sûrê pêk were. Di panela ku dê sibe saet di navbera 12.00-16.00’an de pêk were wê li ser “Dînamîkên guhertinê yên li Rojhilatê Kurdistanê û Îranê ji sala 1979’an heta roja îro, rola jinê ya di guhertina şoreşgerî ya li Kurdistan û Îranê de û encamên hilweşîna rejîma Îranê ku li ser Kurdistan û herêmê serdest e” bê axaftin.
Di panela ku Şerefxan Cizîrê dê moderatoriya wê bike de endama Meclisa Partiya Herêmên Demokratîk (DBP) Xecê Şen, Sekreterê Giştî yê Partiya Komunîst a Kurdistanê (KKP) Dr. Kawa Mahmoud, endamê Polît Buro yê Partiya Zehmetkêşan a Kurdistan Bêkas Qadîr û li ser navê DMA’yê Serokê Partiya Komunist a Kurdistanê (KKP) Sînan Çîftyurek wê pêşkeşiyê bikin.
