Amadekariyên Newroza Stenbolê ku dê bi pêşengtiya Kongreya Demokratîk a Gelan (HDK) û bi dirûşma “Rêbertiya Azad Civaka Demokratîk” were lidarxistin, didomin. Pîrozbahiya Newrozê dê di 23yê Adarê de li Qada Yenîkapiyê were lidarxistin. Pîrozbahî dê saet di 10.00an de dest pê bike û heta saet 18.00ê bidome. Ji hunermendên Navenda Çanda Mezopotamyayê (NÇM) Kadîr Çat û Grup Praksîs derkevin ser dikê.
Hevberdevkê HDKê Alî Kenanoglû, aktîvîsta Tevgera Jinên Azad (TJA) Gultan Kişanak, Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan, Cîgirê Hevserokê Giştî yê DEM Partiyê Tayîp Temel, Serokwekîlê Meclisê yê DEM Partiyê û endamê Şandeya Îmraliyê Sirri Sureyya Onder, Parlamentera DEM Partiyê ya Stenbolê Kezban Konukçu û Hevşaredara Êlihê Gulistan Sonuk dê di pîrozbahiyê de biaxivin.
Gelek rêxistinên civaka sivîl û sazî hatin vexwendin. Ji bo ku di roja Newrozê de gel veguhêzin qada Newrozê, 500 wesayît hatine amadekirin. Heta 23yê Adarê dê li gelek navçeyên Stenbolê agirê Newrozê were vêxistin.
