8’emîn Mîhrîcana Belgefîlman a FîlmAmedê di roja sêyemîn de berdewam kir. Di heman şevê de 14 fîlm hatin pêşandan. Fîlma “Mehla Qore” a ku derhêneriya wê Fatma Çelik û fîlma “Hormanî” a ku derhêneriya wê Pablo Tosco û Migûe Roth dikir, rastî eleqeyek mezin hatin. Fîlm li Navenda Çandê ya Dîcleyê ya li navçeya Sûr a Amedê hat lîstin.

Mehla Qore

Belgefîlma “Mehla Qorê” bi derhêneriya Fatma Çelîk hatiye amadekirin û zimanê belgefîlmê kurdî ye. Fîlm 8 deqeyan dirêj e û di sala 2021’an de hatiye çêkirin. Film wêneyên taxa di pêvajoya pevçûnan a 2015’an de hilweşiyayî, albûmên kevn ên malbatê, tiştên ku tên bîra jinên malbatê û tiştên ku ew naxwazin bi bîr bînin tîne cem hev.

Hormonî piştî şerê Reqqa

Fîlma “Hormonî Ji bo piştî şer”, ji hêla Pablo Tosco û Migûe Roth ve hatiye amadekirin. Fîlm bi zimanên kurdî, îspanî û erebî ye û 26 deqeyan dirêje. Fîlm di sala 2019’an de hatiye amadekirin. Fîlm qala huner û stranbêjên rojava dike. Di nava wêrankirinê de muzikjen, helbestvan, mamoste û bi dehan zarok fêrî amûrên muzîkê kirin. Muzîkjenê Kurd Gani Mirzoyê ku li Barselonayê ye, dest bi kampanyayê kir. Dused şagirt zêdetir gihand qada hunerê.”