Qezaya Xîzanî ya Bedlîsî û qezayanê Şirwan û Perwarî yê Sêrtî de operasyono leşkerîyo ke hetê dewleta tirke ra 22yê hezîrane de dîya destpêkerdene, warê hîrayî de dewam keno. Operasyon dewanê Akûnis, Govan, Lanîlan, Xûlepûr, Kekulan, Sûreh, Pertawan, Hûzeran, Giran, Mezra Pisyan, Geliyê Nemiran, Desta Ovî, Deşta Kaviltîn û Çiyayê Hêstirê yê Xîzanî û herêmanê Şirwan û Perwarîya Sêrtî de dewam keno.
Operasyono ke bi seyan leşker û qoricîyî tewrê ci bîyî de daristanê dewan pê helîkopteran dîyenê bombayan ver. Dewê Gîran û Hûzeranî vizêrna binê ablûqa de yê, daristan û darê fekî dîyenê bombayan ver. Reyna dekewtiş û vejîyayîşê dewan de zî caardişê GBTyî est o. Naye ber warayê dewanê Mezra Pisyan, Geliyê Nemiran, Deşta Ovî û Deşta Kaviltînî ameyî qedexekerdene.
Qezaya Elkê ya Şirnexî de zî operasyono leşkerîyo ke 21ê hezîrane de mabênê dewanê Melesê, Çiyayê Bermal û Hemka de dîya destpêkerdene dewam keno. Dîya zanayene ke mabênê qoricî, leşker û gerîlayan de pêkewtişî qewimîyayî.
