Bazirganê merdiman “dimpiştik” (Barzan Mecîd) dima ke xeberêka BBCyî de cayê ci eşkera bî, Başûrê Kurdistanî de tepişîya. Hêzanê Asayîşî yê Başûrî bi eşkerayîyêke da zanayene ke bazirganê merdiman 12yê gulane de tepişîyayo.
Vervatoxê Hêzanê Asayîşî Selam Abdul Haliqî AFPyî rê qisey kerd û pare kerd ke waştişê Interpolî ser o no kes Silêmanî de tepişîyayo.
Barzan Mecîdî 2016 de wextê pêlê koçberîya ver bi Ewropa de BBCyî rê qalê bazirganîya merdiman kerdbî. BBCyî nê detayî selahîyetdaran de pare kerdî.
Şebekeya Mecîdî ra 26 kesan Îngilîstan, Belçîka û Fransa de ceza werde. Mehkemeya Belçîka zî 2022 de bi hawayêkê giyabîyî cezaya zîndanî dabî Mecîdî.
