Hemserekê Pêroyî yê DBPyî Keskîn Bayindirî ard ziwan ke têkoşîn do dewam bikero û wina vat: “Embazê ma yê ke teber de yê do têkoşînî bidomnê. Çew nêeşkeno milê şarê kurdî çewt bikero.”

Amed de vizêr vera DBPyî operasyonê qirkerdişî yê sîyasî ame kerdene. Keyeyê Hemserekê Pêroyî yê DBPyî Keskîn Bayindirî çarçeweya operasyonî de ame sereştene û ame destbendkerdene.

Keskîn Bayindirî bi rayîrê avûkatanê xo mesajêk şawit. Bayindirî cigêrayîş û destbendkerdişî sey bêhuqûqîye name kerdî û vat: “Na rewşe leteyê konseptêkî ya ke rewna dewre de yo. Îqtîdaro ke ver bi vîjnayîşî vînî kerdo, operasyonê qirkerdişî yê sîyasî fîna dewre. Pratîkê AKPyî yê heta ewroyî de zî xora yeno vînayene ke rewşe wina ya. Sekenê wa bikerî do vînî bikerê. Ma şarê xo rê selaman şawenê. Ma zere de bê zî, têkoşîn do dewam bikero. Embazê ma yê ke teber de yê do têkoşînî bidomnê. Çew nêeşkeno milê şarê kurdî çewt bikero.”