Herêma Kurdîstanî ya Federale de vizêr weçînayîşê parlamentoyî ame kerdene. Weçînitoxan seba 100 kursîyanê parlamenteran rayî dayî. Goreyê Komîsyonê Weçînayîşî yê Berzî yê Xoserî yê Iraqî se ra 72yê şarî tewrê weçînayîşan bîyo.

Netîceya weçînayîşî de bi rayan eşkera bî ke qet yew partîye nêeşkena bi sereyê xo hukmatî awan bikera.

Weçînayîşan de PDK bî partîya yewine, YNK bî partîya diyîne û Nifşê Nû zî bî partîya hîrêyîne. Zêdîyayîşê rayanê Nifşê Nû sey surprîzî ame dîyene.

PDKyî 40 kursîyî, YNKyî 23 kursîyî, Nifşê Nû 16 kursîyî, Yekgirtû 7 kursîyî, Civata Edalet a Kurdistanê 3 kursîyî, Helwest 3 kursîyî, Eniya Gel 2 kursîyî û Tevgera Goran zî kursîyêk vistî destî.

Weçînayîşanê 2018î de PDKyî 45 kursîyî û YNKyî 21 kursîyî vistbî destî.

Hewlêr û Dihok de PDK û Helebçe û Silêmanî de YNK ser kewtî.

PDKyî temamîya rayan ra 802 hezar rayî, YNKyî qasê 348 rayî, Nifşê Nû 270 hezar rayî, Partîya Yekgirtî tewr tay 110 hezar rayî girewtî.