Rêber Abdullah Ocalan insiyatîfa pêvajoya aştiyê û demokrasiyê girt destê xwe.  Ew xwedî alternatîfa herî xurt e. Pêvajoya ku destpêkiriye dê bibe dermanê hemû aloziyên li Rojhilata Navîn.

Ji çar navendên binçavkirinê û zindanan bigire heta dîroka derewîn a rastiyê, dema nivîsandina dîroka rastiyê ye. Dem hatiye ku dîrok derewên rastiyan kifş bike û rastiya zarokan nû  ve binivisîne ku ji bo guhertina bûyerên dîrokê ji dayik bûye. Wî wek serhildêrekî dest pê kir, hemû têgînên jiyanê yên dîl ên rengên xapandinê yên ku têgehên azadiya sînorkirî xemilandin red kir.

Ew zarokê nû ji bo sererastkirina rêya jiyanê û vegerandina rûmeta azadiyê ji dayik bû. Lewma li ber dîrokê bi qîrîna zayînê dest pê kir û bi qîrînên xwe  got, “Rastiyan ji nû ve rêz bikin û ji sêgoşeya Zîgurata Sumeran û modernîteya kapîtalîst xwe bigihînin da ku li gorî modernîteya demokratîk hûn bimeşin. Derewtiya we derket holê.”

Û rastiyên ku li ber deriyên tarîtiya we kom bûne, hêviyên wê zarokê nû yê ku meşaleya azadiyê û pirtûka azadiya neteweya demokratîk hildigire bi xwe re hilbigire.

Em bi wê bangê mezin dibin. Têkoşîn û bar girantir dibe. Herwiha bi berdewamkirina deng û çîrokên qehreman û cangoriyên vê dozê ku kêlî bi kêlî em pê re jî mezin bûn, kesên ku vî dengê û wan çîrokên lehengiyê û pirtûkên azadiyê bilindkirin û nivîsandin ew têkoşer û biryardarên wê bangê û wê dozê ne.

Belê ji dîroka sexte û tarî ya rastiyê bigre heta kesayetên ku li pey heqîqetê dimeşin û dixwazin wê dîroka derewîn a rastiyê veguherînin û derewtiya wê dîrokê yê ku ji diziya berhemên jinên xwedawend  heta modernîteya kapîtalîst hatiye nivîsandin sererast bikin. Bi rengê neteweya demokratîk û paradîgmaya azadiyê, rêya jiyanê ku bi rûmet û vegera li dayikê be. Hatina PKKê ji tevahî netewên bindest re wek mûcîzeyekê bû, lewma bi qêrînên azadiyê li pêşberî dîrokê û wan têgînên sexte gotin “Em ji bo aştî û demkorasiyê her tim têdikoşin û em ê têbikoşin.”

Têkoşîna wan bingeha xwe ji banga Rêberê gelan digre. Banga ku ji destpêka zayîna mirovahiyê heta kêliya niha li hember her cureyên asimilasyon, qirkirin û bêdengkirina dengê heqîqetê li dijî têgînên sexte yên jiyanê derket. Têkoşîna wan ne tenê li Kurdistanê li tevahî cihanê deng veda.

Belê ew zarokê ku azadiyê bi navê wî re dest pê kir, gihişt tevahî cihanê û bû rêberê gelan Rêber Abdullah Ocalan. Zayîna wî bû bingehê zayîna azadiyê ku hê jî bi navê wî berdewam dike.

Rêber Abdullah Ocalan insiyatîfa pêvajoya aştî û demokrasiyê girt destê xwe.  Ew xwedî alternatîfa herî xurt e. Pêvajoya ku destpêkiriye dê bibe dermanê hemû aloziyên li Rojhilata Navîn.