Bahoz Baran bi berhemeke nû derkete pêşberî xwînerên xwe. Pirtûka çîrokan a bi navê “Rik” ku nivîskar Bahoz Baran demeke dirêj e li ser dixebitî, ji Weşanxaneya Wardozê  derket.

Di pirtûka ku 119 rûpel e de, neh çîrokên Bahoz Baran hene: Meqes, Xewn, Cezayê Ezraîlî, Hundir, Meraq û Mikurîyek, Du Rêwî, Kevirên Serhişk, Rik û Daxwaza Dawî.

Bahoz Baran di sala 1982’yan da li navçeya Licê ya Amedê ji dayik bûye. Li Zanîngeha Dîcleyê ya Amedê beşa perwerdeyê xelas kiriye. Di sala 2015’an da li Zanîngeha Artûklûyê di beşa kurdî da dest bi lîsansa bilind kir. Yek ji edîtor û xwediyên Weşanên Wardozê ye.

Berhemên Bahoz Baran ev in;

– A baş (çîrok)

– Derb (çîrok)

-Ferhenga Bişaftinê (raman)

-Motik (Meselok)

-Rêzimana Kurmancî

-Qîza Bavê Xwe (çîrok)

-Rik (çîrok)

-Rêbera Rastnivîsînê (tevî Komxebata Kurmanciyê)